palihug

palihug lang higala ko
ayaw pagpaduol kaayo kanako
kay init kaayo ang akong gininhawa
og mahimong mapeligroso unya ka

kay ang akong dughan napuno man
sa mga damgo nga wala matuman
gisuksok sa akong upat ning aning
lawak sa akong gahoot nga kasingkasing

palihug ayaw kaayo paduol kanako
kay basin unyag madungog mo
ang pinitik sa akong gahoot nga kasingkasing
nga gisuksukan anang daghan
kaayong mga gugma nga
natunok sa mga kagingking

palayo kanako palihog higala
kay basin unyag ako moboto na

dili ko gusto nga unya madungog nimo
ang mga bakho sa mga pakyas nga damgo
ang mga gugma nga mityabaw
nga morag gisungag sa kabaw


kay kana kusog kaayo og basin ikaw magmahay
ikaw madamay og kuyog ikaw sa akong pagkamatay