ang kabuang anang
siging palit og sapatos
dili gayod dali
maputol kay mora
bag ang sapatos
makalingaw kaayong
tan-awon sa mga
tiil nga nagpunay
og huna-huna kon
asa na usab kami
manglakaw
nga og birthday
party ang adtoan
gamiton ang Alex shoes,
og kasal sa sikat
nga silingan
naa ang Florshiem
og jogging sa plaza
naay adidas og
adto's piesta sa
Sikawang naay
Converse,
og sa pagsigig
palit, naglaray na
ang daghan kaayong
mga sapatos nga
morag naglalis kon
asa kanila ang
gamiton karong
adlawa
ang uban gipang-amag
na nga bisan unsaon
og limpyo kay dili
lagi magamit
mitapot lang gihapon
ang mga agup-op
morag akong mga
gugmang akong
gipangtagoan sud
sa akong dughan
kadtong uban nga
wala matuman
naay mga pakyas
og mga malas
naay uban nga
wala pod gani
masulti hangtod
karon, og naa
say uban nga
sigi nakong gihandom.
naa tay paborito
natong mga sapatos
naa tay paboritong
gugma usab nga
taman ras paghandom
naa tay sapatos nga
sigi natong gigamit
naa tay gugmang
doul ra kaayo sa atong
pagkuhit mao nga siging
gigamit
busa maoy atong gisimba
gani giminyoan na.
No comments:
Post a Comment