ang tubig

ang tubig nangita sa iyang agianan
kadtong dili kaayo siya maglisod
sa pag-abot sa iyang pagadulngan.

kon makit-an na gani niya
mora
siyag sawa sa iyang paggikan
likosan niya ang mga bungtod
og labyan niya ang mga patag

pag-abot sa kinatumyan siya
mohunong,
matulog una, mag-ilis
sa iyang gisul-ob, samkonon
ang laing mga tubig,
og pagkahuman
mobalik sa iyang kaabtik og
motubo, modaghan og
makigkita na usab sa daghang

mga bata, mga babaye,
mga lalaki, ang
daghang mga
katawhan nga gimingaw
kaniya sa tumang kauhaw
nga gustong
sa iyang pagkatubig
unta matagbaw

apan unsa bang hitaboa
nga sa kalit
miambak ang tubig
og gitukob niya ang
tanang katawhan
hangtod nga ang ilang mga tyabaw
nangahanaw.