ayaw baya kalimot
kadyot lang ang pagbukhad
nianang gihay sa puti nga bulak
unya dapit pagkahuman gayod
sa kaudtohon
og dili pa gani mataklop ang kahaponon
malaya na kana siya
og mahulog
og dayon mahikalimtan
manglabay
ang mga tiil sa mga bata
mayatakan kana siya og
malata, og mahanaw
sa dayon
wala gani ni usa nga mangutana
kon aduna bay bulak kining dapita
lumalabay lang kita dinhi
ayaw gayod kini kalimti
No comments:
Post a Comment