kasayod ko kang josie
nga og mosulat na gani siya og daghan
kaayong mga balak
dili tungod kay siya nahigugma
na usab
duna lang na siya'y gikapungtan
sa mga pultahan nga dili mangabre
sa mga hagdan nga dili magpasaka
sa mga baso nga walay tubig
sa mga gapnod nga dugay mopahawa
sa iyang bintana
unya dili siya kabadlong o gani
kasugid sa iyang tinood nga gibati
kay ang iyang mga kamot, ang iyang
baba dili gyod ganahan magpasakit
og busa sama sa iyang hilaw nga katawa
og kamot nga gakurog sa kasuko
ang iyang mga balak usab
mga walay lami
morag hilaw nga kan-on og inun-on
nga haskang tab-anga.
No comments:
Post a Comment