si mark

lahi pod si Mark
bisan gani sa puya pa siya
ang iyang uhaw medyo may pagkabawog na
mag pagkabagon
ang tono,
liko liko
dili tul-id
didto sa kuna
nga humok pa sa gapas

misamot ang iyang kalahi
sa ubang mga batang lalaki
sa midako na si Mark
tapad sa mga babaye
kuyog sa mga babaye
morag babaye
og tood man,
nagpakababaye

kaanyag nga gipanghanyag
apan dili gayod madawat sa iyang tatay nga pulis

naputol ang mga sanga sa bayabas
nangahulog ang bunga bisan og hilaw pa

walay balbas ang iyang apapangig ang
iyang nawong nawingig

mitan-aw kos Nutcracker
tua si Mark, nindot og barog, mipahiyom
mikiay, misayaw sa iyang gipili nga kinabuhi