Wednesday, January 28, 2009

seguro wala ako masayod sa akong gipanulti


seguro wala ako masayod
sa akong gipanulti kanimo kaniadto

kay karon ania
mikapyot lang man diay ako gihapon
sa liog
sa puting kabayo nga gibilin
ni Tatay alang kanako

ikaw milantaw
nagpanglingo-lingo nga murag
dili makatoo sa imong
nakitang kamatooran

og ang bulan misidlak
sa ibabaw sa akong ulo
sa hilom diha sa kangitngit
sa lawom nga kagabhion

No comments: