halok nga kawat

gikalit niya og bira ang iyang nawong
gidap-ig sa iyaha
og giduso ang iyang mga ngabil
sa iyang ngabil
atubangan
sa daghan kaayong mga
katawhan didto sa airport
wala siya kapalag
wala siya kaipsot
nabati niya ang dila
nga milusot sa iyang baba
nga mipatong og mikulitog
sa iyang dila
og ang iyang nabuhat
sa maong kawatan
mao na lang gayod ang
pagpiyong

nawa ang dakong gahom
sa iyang kamot nianang
pagpanagpa

ang mga dahon sa mga tanom
sa kilid sa dingding
nangatuskig

ang dulse sa usa ka bata
nga gilabay sa
salog
daghan kaayong hulmigas
.