ang paghandig

og tuod man
nindot ang imong gown
nga pula og
taas nga morag
ikog sa serina
sangkad sa dalan
nga mikayabkayab
sa iyang kaanindot
nga dunay
puti nga ribbon
nga dayan dayan
sa hamis nimo
nga likod og
abaga

mipahiyom ka
sa makadyot og
dayon mimug-ot

aduna kay gibati
nga gamayng kahadlok

og busa imong gihubo
ang tanan nga sapot
ang tanan nga
dayan dayan sa imong
lawas

og imong gisud-ong
ang kaanindot sa imong
lawas diha sa atubangan
sa dakong salamin

naninghawak
mitutok og imong
gihaw-as ang tanan
nimong natigom nga pagduda

kon asa na ang imong kalag.