ang sapaw

akong gibalikan ang nangagi
og ako mipahiyom
bisan sa makadyot lamang

gihinayhinayan ko og langkat
ang mga nagsapaw nga panit
sa akong nawong
og akong gilantaw pag-usab
ang akong mga kalipay
sa akong kabatan-on

pagka-anindot ba gayod!
kadaghan kaayo sa akong mga
saad nga akong gipatik
diha sa kilid sa mga kahoy

akong gilantaw pagbalik
ang mga lunhaw ang mga asul
og ang mga gilak

ang mga dahon, ang mga panganod
ang mga bitoon

gihikap ko ang akong nawong
gipiyong ko ang akong mga mata
pagkahamis
sa akong mga kagahapon

akong gihapuhap
ang akong ngabil sa akong tudlo
atua ka pa gihapon nagpuyo
didto sa akong unang halok kanimo