pagkahuman nakong gipasok
ang tanang nakong kamatooran
diha sa imong bilahan
nga gitagbo nimo sa tumang kalumo
akong hus-on ang akoa
og ibilin nako ang imoha
mapinanggaon
ako og
makiangayon
dili ako sama nianang uban
nga og mahuman
bisag wala pa ka matagbaw
ila na dayong tangtangon
og humanon ang nasugdan
sa pagtapos
nga walay pagsabot
kon unsa ang
makiangon nga pag-ibot
sa ilang gidus-an og gipatongan
tan-awon ko ikaw
sa usa ka pilit kaayong pagtutok
og imo akong ludhan
aron imong pahiran
ang akong kasal-anan
tilapi ang kataposang tulo
kay naa diha ang akong tinood nga ngalan
nga kon imong itulon
og ilad-ok
mamaimo ako
hangtod sa kahangtoran
No comments:
Post a Comment