Wednesday, January 28, 2009

ang kisaw


ang kisaw naa
sa suba nga mabaw
ang kahilom
anaa sa suba nga lalom
ang kaalam
dili sabaan

ang tawo nga sayod
nga siya gihigugma
dili na ganahan nga
manugilon pa

og ang tawo nga tinood
nga nahigugma
walay kahadlok nga siya
sa bakak madagma

usa lang ang akong
hangyo kanimo
pamati una sa tingog
sa kaalam

pamatia pag-ayo
ang lawom nga
tingog sa kahilom

ayaw palabi nianang
kisaw nga magtug-an
nga sa kinabuhi
wala ka pay nasabtan

No comments: