sa sud sa imong labat
gawasnon gihapon
ako nga maghunahuna
nga ako dili mo
piniriso, anaa ra kana
sa akong paghunahuna sa
hangin, anaa ra kana sa
akong paghandom sa
usa ka bulak nga humot
og matahom lang gihapon
bisan sa kadugay na sa
panahon nga nanglabay
sud sa akong dughan
sama sa gihay sa bulak
nga imong gihikap og
imong gikutlo og
imong gibutang sud
sa lawak sa imong mga
palad. Ang kapula niya
nagpabilin nga gawasnon
morag hangin nga milapos
sa mga giwang sa usa
ka rehas. Oo, nadakpan
mo gani ang gihay
apan ang iyang pagkapula
kamaong molihay
karon naglupad sa usa
ka panumduman diha
sa mga bukton sa
bugnaw kaayong hangin
No comments:
Post a Comment