daghang katoyoan ang pagtabon
tabonan ang tasa sa kape
para dili dali mabugnaw
tabonan ang takuri para
dali rang moinit
tabonan ang ginamos
sa tadyaw para dili uloron
tabonan ang patay
para dili manimaho
tabonan ang balay nianang
atop para dili maulanan
tabonan ang libro
para dili mahugaw
tabonan ang pagkaon
para dili langawon
tabonan ang kriminal
para dili makonbikto
tabonan ang kakulangon
sa anak aron dili maulawan ang ginikanan
tabonan ang kalibotan sa
mga panganod para dili kini masunog sa adlaw
tabonan ang pospas sud sa kaserola
aron humot lang gihapon
tabonan ang arenola
aron dili ta manimahong anso
tabonan sa pasta ang ngipon
aron dili modako ang buho
tabonan ang bintana sa kurtina
aron dili kita nila makita
tabonana ng mga hugaw sa kalsada
aron dili kita maulawan sa mga turista
tabonan mo ang imong kabogo
anang paginistrikta
tabonan mo sa mga maayong rason
ang imong mga bakak aron morag tinood ta pod nga tan-awon
tabonan mo sa pagsukosuko
aron dili ka mabisto sa imong mga kalapasan sa katilingban
tabonan mo ang imong kaugalingon
sa unsa ba usab nga katuyoan?
ako daghang og mga rason,
balikan nato kadtong akong gipang-ingon sa unahan
og daghan pa nga akong isaysay unta apan dili na lang
kay ako na lang kanang tanan
apil ka na sa mga misteryo nga kon imong mahibal-an
sayod ako nga makasabot ka man
apan dili ka gayod ganahan
ang mga binulad nga humay gitabonan kay naay ulan
ang mga lingkoranan og mg lamesa gitabonan kay daghang abog
ang mga ........... gitabonanan kay..........
palihog padayon kabahin usab sa imong mga gitabonan.
No comments:
Post a Comment