Tuesday, January 27, 2009

karong 29, 48 na ko


karong 29
48 na ko

sa among dapit
kabaw lang ang matigulang

karong 29
48 na ko

sa akong kasingkasing
ginadili ang dili paghigugma

busa

karong 29
bisag 48 na ko
sa pagdagan nako paingon sa 49
kon imong tugutan
bisan pag nahibalo ka sa akong kahimtang

nga karong 29
48 na ko, kon imo akong tugutan

higugmaon ko pa ikaw gihapon
sa usa ka gugma nga

dili kamaong molubad
sa usa ka gugmang dili kamaong mausob

og karong 29
nga mag48 na ko

kon imong tugutan hagkan ko pag-usab
ang imong aping

aron akong isaad pag-usab
ang gugmang akong gitunol kanimo
adtong nag-edad pa akog 34

karong 29
sa akong pagka48

magsalusalo na usab kitang duha
pagkaon dungan diha sa usa ka lamesa
mag-inom kita
mag-estorya kita sa atong mga kaagi
magsaad na usab kita
sa paghawid sa atong duha ka kamot
sa pagtagbo sa atong umaabot

No comments: