paghikap sa ganghaan sa kalipay

mikurog ang akong mga tudlo
miabot na ang akong gipaabot
ang paghikap sa ganghaan
sa tumang kalipay
diin wala na ang pagpanuktok
sa usa ka pultahan
nga dugay ra nimong giabrihan

ipadapat ko ang kainit sa akong palad
og akong pailhon ang akong mga tudlo
anang dili matukib nga kalipay
og ikaw nga nagpamati
sa awit sa akong kasingkasing
motan-aw kanako sa tumang pagsabot
og kalooy
og imo akong giyahan paingon
sa pultahan sa tanang kalipay
og pag-abot didto
moingon ka kanako
sulod diri
dugay ra kaayo
akong nagpaabot kanimo,
dis-a ka man?
nganong nadugay ka man?
nganong imo man akong gipaantos
sa usa dugay kaayong pagpaabot?

Hapit na mauga ang akong yuta
og ang akong mga sagbot
hapit na nga mangalaya.

Palihog hagki ako.
Gihigugma ko ikaw.