ang atong mga hello

ang atong mga hello sa party
morag mga bulak nga plastic
hello diri hello didto usa lang
ka formalidad nga dili lunhaw
nga gipatikig anang formaldehyde

patay nga hello nga walay
kahulugan nga pagkahuman
morag wala lang nga og kun
naunsa kadtong atong gihelohan
wala ba kauli kay walay sakyanan
o nagpandol ba siya sa dalan o
gihold-ap ba siya sa jeep nga
iyang gisakyan,
dili na gayodkita mangilabot.
Pagkahuman
sa hello, og kaon sa usa ka
salusalo, kanya-kanya na kita
sa pagpakabuhi og sa
pagpaningkamot nga unta
dili kita mangamatay
sa mga katarungan
nga walay hinungdan.