ang mga iro nga sugarol og mga limbonganon

nagmiting ang mga iro nga sugarol og
mga limbonganon
nga nagpailaila sa ilang mga kaugalingon
nga mga suod kuno nga higala
nga adunay pagsalig sa
tagsa-tagsa kanila

miingon si bulldog
"tunga ta sa 50%
ayaw lag saba ni
doberman"
miyango si Poodle
og gigamit ang iyang
pagkaseksi nga
mitubag
"akong i-date
karong gabii"

lahi ang gisugid
ni Poodle kang
Doberman
"tagai kog 30%
ingna si
Shi Tzu, bantayi
si bulldog"

lain pay iyang
deal kang Boxer.

"sultihi si Husky
nga si Doberman
og si Bulldog
dunay mga
daotang plano
kang Shi-tzu
og Askal"

sa kalaing bahin
nagsabot-sabot
pod ang German Shepherd
og ang tulo ka Retrievers.

"patyon tas bulldog
apila na si Poodle
kitay angkon
anang 100%""

maoy ilang pakigsabot
kang Askal og
Shi-tzu

una nang naka-hire
og killer nga Hound
og Samoyed
ang mas abtik nga
English Setter
og Spanish Greyhound.

Pagkaugma
nagbasa sa headline
sa newspaper
si Collie, Carline
og Caniche

"Mga iro nag-unay
nagpatay!"

Mga sugarol
og mga limbongan
nangabisto og
nagpatay.

Daghang dugo
mibanaw sa Doghouse.
Nagpasad ang mga bukog
sa baka
nga ilang giawayan.

Walay nabilin
gawas na lang
ni St. Bernard
nga nagpa-ampo
sa mga kalag
sa mga nangamatay
didto sa kapilya
nga gipatukod
kaniadto ni
King Charles Spaniel.

Dili jud siya kalimot
ni Poodle.