isul-ob na nimo ang imong panangga
sa sunod nimong pakigkita sa usa ka gugma
lisod ang masakitan
pait ang madutlan
sa usa ka dakong bakak sa imong atubangan
magpahikap ka
magpahalok ka
diha lamang dapit sa ibabaw
wala unay labot ang naa sa sulod
dili ka pa andam nga hilapon ang imong kasingkasing
dili pa andam ang imong mga panit sa usa ka tinud-anay nga kainit
tumbaga ang imong mga mata, ngabil. ilong
bronse ang imong tutoy, puthaw ang imong nawong
dili ka seguro masakitan
apan mabati mo pa kaha ang katam-is ang kainit sa usa ka gugma?
No comments:
Post a Comment