ang kagul-anan anang mga lawak
lisod sabton
nganong ikaw atua didto tapad
sa usa ka kasingkasing nga nagdugo
og siya usab nga nagpaabot sa usa ka gugma
nga wala moabot
atua usab sa pikas lawak nagduko
wala ba nimo madungog nga siya nagbakho usab sama kanimo?
og kon ngano nga bulagon man ang mga pagbati
diha sa mga lawak?
nga unta mahmo man nga ang kalipay magpuyo na
lang unta sa usa ka balay.
suginli siya sa imong kasubo, basin mamati siya.
og basin og siya usab mosugid kanimo sa iyang gugma nga namatay na
apan andam lang gihapon sa usa ka pagkabanhaw.
mga kasingkasing nga nangabuak, ang akong gidamgo nga unta
kini mauli pagbalik sa iyang nahimutangan diha sa mga dughan
nga andam sa pagpahaluna
dili ra biya usab lisod kaayo ang paghikalimot sa tanan.
kon unsa ang nasamad, dili ra baya usab kaayo lisod
ang pagtambal og ang pag-ayo og ang pag-alim.
ang mga uwat usab dili kaayo ingon ana katapot.
dili ra baya usab kaayo lampingasan ang panahon.
ang mga pamaagi nagpaabot.
palihog lang og abri sa imong mga bintana.
No comments:
Post a Comment