nagsugod na ang ting-ulan
karong adlawa
nalipay ang mga tanom
naguol ang mga tipasi
nagbasa ang mga dalan
paingon sa simbahan
ako sagad
mamati sa iyang subo nga tingog
kanang bag-o pa lang nga pangahulog
naghinuklog
kon ngano nga ang ulan ila mang
gihimong sambingay anang mga luha?
ngano ba kaha nga mobaha man ang luha?
ngano man nga bisag uga kita sa kilid sa pultahan
mabati man nato ang tumang kabugnaw anang kabasa?
dili na nako kabalihon
andam na ako niining panahon
walo ka buok ang akong panyo
naay lima ka abohon og duha ka abohon
og usa lang ang puti ana
para dili kaayo halata ang kadaghan sa mga nangauga nga luha.
No comments:
Post a Comment