daghan ang mosakay anang
gakit og sakayan sa kapobrehon
sa ibabaw sa suba nga
nanimahong patay tungod sa mga
irong gipanglabay didto sa mga
kawatan
gamay ang bugsay
daghang bata nga nangatawa
naay mga ginikanan nga nangita
kon asa silang tanan modunggo
sa unahan nagpaabot ang mga
baratohon nga mga lungon
libre lang
tuman sa saad sa bag-ong mayor
sa iyang pakigpulong sa miaging eleksyon didto
sa lungsod sa tumang
kapobrehon
No comments:
Post a Comment