mora ko ug nalumos
nga nagsuot sa akong amerkana
og long sleeve nga polo
nga gihiktan sa akong necktie
sa dihang nakita nako
ang akong unang uyab kaniadto
didto sa airport sa Maryland
kuyog sa iyang insik nga bana
gadala sa ilang mga anak
nga mga chinito og chinita
ako lang gihapon usa
sa akong kinabuhi
nagwarawara
sa mga lawak sa kalibotan
nangita og mga pultahan
og mga bintana
og mga bitoon
gusto nakong moginhawa
apan mora akog gituok
gilumsan
mora akog mamatay
sa kasina
pagkausik gayod
sa akong mga panahon
nga nanglabay
nga mora akog ilang gilayasan
tungod sa akong pagkatalampasan
No comments:
Post a Comment