tambag sa kauban nga kawatan

sa dihang nakalitan silang
duna diay checkpoint
dapit sa utlanan sa
Rizal og sa Sapang Dalaga
mitambag ang kawatan
nga iyang tapad sa
sakyanan samtang siya
ang nagdrive nga nagdalag
daghang shabu sa
sampot sa ilang
gisakyan

"ayaw og pakitag
nawong sa usa ka
kawatan
ipakita ang nawong
sa usa ka huwes
nga tagaKatipunan"

og sa dihang natungod
na gayod sila sa pulis
nga mipara kanila

wala mipahiyom
ang duha nagmug-ot
kay nganong gilangan
sila kay mag-hearing
pa si Judge didto
sa pikas lungsod

wal ka ek ang pulis
sa mga kawatan nga
morag mga huwes
nga kabalo kaayong
magpaisog-isog
nga morag mga
walay gibuhat nga
daotan diha
mismo sa ilang
mga nataran.