ang paglantaw
sa unahan
mao na lang
ang nabilin
natong kagawasan
nagtudlo ang
suwang paingon
didto
og kon asa
ang tudlo
mangambot
na
ang abaga
walay kibir
og ang dalunggan
gustong
motago sa
buhok nga
kagwangan
ang kamingaw
mao na lamang
ang nagtabi
og ang kapungot
walay gibuhat
tuhugon ang
kalinaw nga morag
dagom
isulod ang tanod sa hunahuna
didto
inaton og dayon
ikulikot
igaid sa mga linya
sa palad
magpaabot ang
ugma nga wala
pay ngalan
og walay abiso
kon kanus-a
gayod
basin diay
ugma puhon
basin
No comments:
Post a Comment