ang imong anino

miabot ang imong anino
sa wala pa moabot ang udto
nga naghubo sa akong atubangan
mihangyo nga akong hapwagan

nalooy ko
kay buntag pa
og mao pay pagmata sa balilihan
makasaway unya silang tanan
sa atong kaulagan

akong gisuotan og bra
ang iyang bus-ok kaayo nga mga totoy
og akong gipasuotan og short nga maong
ang iyang bilahan
ako pa ganing gibaksan
ang iyang kurbasyos
nga hawak
og tuod man nangabilib silang tanan
sa akong pagkagentolman
nakatoo sila sa akong pagkadesente
magulang gamay anang pagkatorpe


pag-abot sa kangitngit sa gabii
ayha ra nako siya tandayi

og sa kainit baya sa kagabhion karon
dili ba angay nga ang tanan pagahuboon?