dili ako mahadlok

dili
og wala ako mahadlok o
masuko nga sa mga bintana sa balay ni papa gorio
adunay laing babaye
nga manambo

mando sa iyang
lawas
gahi pa ang iyang
mga unod
og dili ko gusto
nga sama sa irong talawan
mobahag ang iyang
ikog sa paningkamot
nga mabuhi
dinhi sa atong kalibotan

iya na kanang
katungod
siya ang molingaw sa iyang
kaugalingon aron
mopahawa ang mga
namisitang kagul-anan
didto sa sulod
sa iyang talad-kan-anan
nga dili ganahang molalin

iya na kanang diskarte
kon unsaon niya
aron siya
usab magul-an
karong gabhiona.

unsaon man god
kanang katigayonan
nga iyang natigom
kon sa umaabot
nga mga adlaw
wala na diha sa iyang
dughan
og sa iyang pus-on
ang pag-ambak ambak
og pagkiyod-kiyod
sa kalipay?