mga taya sa bato nga walay yangungo
mga kilid nga hamis
mga hinlo nga lawas sa mga bato
nga walay tag-iya
pagpakahilom sa tubig
nga gihimong salamin
sa mga panganod
walay tawo didto
walay mga kasag
walay mga talisik
gikan na didto
ang mga gabon nga mimis
nga sa hinay milalin
sa dihang miabot ang mga yamog
nga mitago
sa ilang tumang pagpailob
gisuyop sa bato ang mga nagpahipi
nga kaulaw sa mga basa nga dahon
og mipahiyom sa pag- abot
sa mga bidlisiw sa bag-ong adlaw
No comments:
Post a Comment