ang langgam nga imong gilawgan

pagkamaayo mo higala
wala ka maghimo og hawla aron tigomon
ang mga langgam nga nindot kaayo og mga balahibo
aron ikaw kada buntag og gabii
ilang awitan

sa gawas sa imong balay
nagbuhat ka og lawganan
diin ang mga langgam
mobatog og mangaon
sa mga tipasi nga imong giandam
alang kanilang tanan

ang mga langgam nga
imong kanunayng gilawgan nagbalikbalik
sa imong nataran

pagkaanindot sa ilang mga awit
nga madungog sa gawas sa imong nataran
nga karon imong nadungog
sa tibook nimong kinabuhi