ang akong too nga kamot nagpahuraray sa akong ulo
ibabaw sa akong baga nga buhok
ang akong wala nga kamot mibatog nga morag
salapati diha sa tunga sa akong pus-on
ang akong tiil walay kataha nga mibilangkad
kay lagi gikapoy sa lakat sa akong kinabuhi
itom og puti ang akong kalibotan
sa ibabaw sa akong dako nga katre
dako nga lawak sa ibabaw sa akong habol
nga morag panit sa iro nga dalmatian
rehas ang akong kiliran
prisohan sa akong galamhan
wala magpiyong ang akong mga mata
mitutok sa kawanangan
gihunahuna ko ang imong pagkaikaw
puti kahayag tin-aw kalipay himaya
ako ang itom, ang kangitngit ang dulom, ang lubog,
ang subo ang hinuktok, ang kabalaka
unsa ba ang imong tubag sa kalagyo sa atong kalibotan?
No comments:
Post a Comment