pagkaanindot sa dagathapsay nga morag asul nga mantel sa lamesa
diin ang gisukad mao ang usa ka bandihado nga puting mga panganod
og mga plato nga mga isla
usa ka tasa nga presko kaayong hangin
nga lami kaayong higopon
sulod sa alingagngag sa akong baga
pagkaanindot sa pasilyo nga pasiyohan
mga batong gilaray nga walay mga pangag
sama sa akong mga ngipon nga naglaray sa akong bag-ang
pagkaanindot gayod sa kawanangan sayo sa kabuntagon
morag imong aping
nga ang kahamis hangtod pa sa imong liog
abaga, og sa imong mga paa
unta ania ka dinhi tupad kanako
unta nanuroy na kita sa daplin sa baybayon niining sayong kabuntagon
unta .....
No comments:
Post a Comment