pag-train sa dog

psst, pastilan, dili ingon ana ang kaminyoon
nga ikaw ang agalon og siya
ang itoy

nga kon moingon ka og Sit
Sit sab siya dayon
nga kon moingon ka og Stand
Stand sab siya dayon

dili tawon ingon ana
kay adunay panahon nga mahurot
ang imong mga Sit og Stand
siya wala na diha kay
gisabaan, gikulitan nimo
og siya hinoon ang moingon
nimo og Shit! Shit!

sama sa itoy ni candice
kinahanglan ang gamayng pamuyok
Sit! kon motuman tagaig honey-glazed ham
Stand! kon mo-Stand lawgi og turkey
Roll! kon mo-Roll isuroy dayon sa Parke
Get the ball! kon mo-get the Ball,
palite og dakong nilat-ang bukog sa
baka

og kon dili jud madala sa puyok
kon dili mo-sit, dili mo-stand, dili mo-roll
og dili mo-get-the ball,

na Shit na lang
biyai.