lips to lips

usa ka semana ako nga naka-check in sa marco polo
didto sa davao og ang akong room maayong pagkatunong
nga atbang gayod sa ateneo de davao university
8th floor, glass walls and windows, gitabonan sa puti
nga kurtina ang kahayag sa adlaw gikan didto sa dagat
sa sta. ana

mitindog ako atubang sa unibersidad nga akong nahimamat
sa upat ka tuig. BS Chemistry, nga ang utok kanunay mipunting
sa Poetry.

taas na ang mga buildings. dili na makita gikan dinhi ang
football field. wala na ang mga pine trees. wala na ang mga
carabao grass sa campus.

nagseminar ako sa international law. ako lang usa sa akong
room. daghang mga aliens. nagcoat and tie ko isip respetar
sa usa ka dakong event.

adunay indian speakers nga naghisgot sa violations sa America
sa International Humanitarian Law. Maayong mo-lecture and
indian professor nga kon mo-pronouce pagkaBritish gayod ang
dating. Combaytants and non-combaytants

combatants ba.

lami ang kaon. daghan ang drinks. overtime sa mga lectures.
hangtod pa gani alas otso sa gabii. kapoy na kaayo og pamati.
naghimo ko og mga balak sekreto sa akong notebook.

pretend nga concentrate ko nga namati. gialig-ig ang akong utok.
nanira ang akong mga dunggan. nahapla ang akong buhok sa kalaay.

pagkabuntag, nag-walking ko sa daplin sa mingaw nga karsada.
misimba sa chapel sa ateneo. dunay pari nga luag pod kaayo ang iyang
kwerdas sa iyang homily nga iningles.

nag-gym ko. nag-weights. aron lang matunaw ang akong tambok
ang mga chicken curry, ang ham roll, ang potato salad.

siging coffee. usban ang tea. lain na pod nga coffee aron dili makatulog
sa lectures nga haskang lisoda kaayong i-retain.

pagkagabii, mga 9 p.m. wow, Jack Ridge. Tuna og ang lamian nga
shark fin soup. mga ubod, og spleen sa dakong isda.
pagkananam gayod.
nagtubod na hinoon ang akong laway
nga sa akong baba nagtabisay.

usa ka semana nga ako lang sa akong kinabuhi niining akong
propesyon isip usab law professor sa Dipolog. Usa ka semana
nga gihimo kong prisohan ang marco polo. Sosyal. Expensive gayod.
Apan dili man sab akong gasto.

sa dihang natapos na ang seminar, nagdali dali ko og check out sa hotel.
dili na ko gustong maugmaan pa ako didto. morag mabuak ang akong ulo.
morag mabuang na ko. dili na effective ang gym-gym. ang Jack Ridge.
ang walking. ang chapel sa ateneo.

nagusbat ang akong kasingkasing. midali ko og lupad sud sa Cebu Pacific padung sa atong balay.
diin ikaw dugay usab nga nagtagad kanako.
mingaw gayod kon wala ka
sa akong kiliran.
mingaw gayod kaayo kon makamata ako sa kaadlawon
og wala akoy ikatabi.
og kanang labaw pa sa paghinabi

(kabalo ka na niana
kadtong atong lumpong-lumpong
sirko-sirko, lukot-lukot,
sa atong katre
og sa salog sa atong balay
og sa kusina og sa garahe
og sa library)

pag-abot sa balay, alas otso na sa gabii. wala na ako manihapon.
mideretso ta sa kwarto. og dinhi ra ako kutob. akong isulti nga
ang akong kamingaw nawala dihang kaming duha

naglips to lips.