kanang dili klaro

mas nindot daw ang babaye kon dili klaro
ang iyang pagkatawo
ang iyang hulma naa sa iyang anino
nga nagsalo sa iyang duha ka tutoy

mas nindot kuno kon dili pud ipakita
ang tanan, ang bolbol, ang iyang atngal
ang iyang pagkababaye diha sa tunga-tunga
sa iyang mga puti kaayo nga mga paa.

mas lami kuno ang bation kon dunay
ginagmay nga tapis sa kangitngit
gisagol sa sinala nga kahayag
aron mobuswak ang atong mga kaulag.

dunay mga butang nga mas maanindot kon atong tabonan,
kon atong bisibisan lamang sa ginagmay nga paglantaw,
kanang wala magbilangkad nga kamatooran
nga morag babayeng gidroga gibiga

usahay mas thrilling ang kipi-kipi
mas lami
ang pahikap-hikap sa daplin sa nipis kaayong sapot,
sa sidsid sa kahigal,
sa hinay hinay nga pagtubo sa gana,
ang pagsaringsaring
ang ginagmayng pagpadungogdungog

dili niya gusto ang klaro kay wala diha ang arte,
ang literatura.

kon unsa kalisod ang pagsabot,
didto ang kuno tinood nga balak.