hugpong

upat kita ka managsoon
nga ingon ka
kinahanglan
maghugpong
aron kitang
tanan mamahimong
lig-on

morag mga tukog
sa silhig
nga gitagkos
sa hugot nga hikot sa
abaka

usa kanato ang
maghawid
sa baston nga
gamhanan

ingon ka
maghugpong kita
magtinabangay
isip igsoon
sumala sa
atong gigikanan

kataw-anan!

ikaw lang ang siging gitabangan
og kaming tanan
ang pirming nagkalisodlisod
aron ikaw lang
ang madato
kanatong tanan

adto na ako.
mas lig-on ako
bisag wala kamo.