ang sulbad kuno sa kasilag niya
sa pagpatay sa iyang igsoon og inahan og amahan
mao ang pagpatay sa naghimo sa ingon kaniya
sakto siya, apan usahay
makahunana huna baya pod ako
kon angayan pa bang hugawhugawan nato
ang atong mga kamot
sa dugo nianang yawa?
kon angayan ba natong tagaan siya
sa iyang pahulay nga dayon diha
sa dugay na kaayong gipangandoy niya nga kamatayon?
nakadungog ko
nga ang rason ngano nga siya mopatay
og mipatay sa daghan kaayong mga tawo
sa wala gani igo nga rason
mao lamang
nga gusto pod gayod unta siya nga siya hipatyan
iyang giunhan aron unta siya mabalsan
apan lahi ang nahitabo
wala gayod siya panumbalinga sa Kamatayon
kay bisan kini siya
giluod na pag-ayo og nakapanaad nga
dili siya tagaan sa katungod nga
mamatay og magmalinawon.
No comments:
Post a Comment