ang akong mga kamot
ihapnig ko sa kilid sa imong totoy
ang imong mga kamot
ipahaluna sa akong aping
manindog kita
tapad sa buswak sa tubig nga asul
gikan sa habog nga kabatoan
ilubong ang espada sa lapokan
itapad ang duha ka dagko kaayo nga bulan
pasagdan ta sila nga mga mananap
manglupad og maghagwa diha sa
dakong lawod sa dagat sa unahan
hubo kitang duha
niining atong gitungtungan nga sapa
ipunting ko ang akong pagkaako
diha sa imong pagkaikaw
lalaki ako og ikaw babaye
dinhi niining atong gamay nga paraiso
kita maghingpit sa atong
gipangita og gipangandoy
nga himaya og kalipay
1 comment:
hello,
ang tinuod nabasa nani nako sa kabisdak.
wala jud ko kaayo makahulagway sa iyang gipasabot
ang akong huna-huna gihiluan sa malisya nga karon, hala pwerting sayupa.
nice.
naka dayg ko.
unsay sekreto nimo sir?
unsay paagi nimo s pag balay ug balak?
pweding masayod?
Post a Comment