ang katulogan mao ang nagsulat

gisulat sa daro ang mga galay sa pagpanghoy-ab
gitanom ang mga binhi sa damgo
mitubo ang daghang mga sagbot
natabunan ang duha ka mata
sa usa ka gapnod nga kahilom
nabati ang mga awit ni nanay
giduyan sa kalaay ang imong mga mga dahon
sa usa ka nipis kaayo nga hangin.

Katulgon ka. Katulgon ka. Gisulat mo kini.
haw-ang halapad ang agianan paingon
sa inanay nga pagtina sa kangitngit.
anaa ka padulong sa pultahan sa katulogon.
Wala ka na masayod pa sa nahitabo

kay ang mga kamot sa katulugon
mao ang nagsulat niining tanan.