sagdi na lang

Mora mag nasayop dagway
Ko nga nakigminyo nimo
Ulahi nang nanggawas ang mga
Katarungan
Nga morag mga ulod nga
Gi-sprihan

Natintal kos imong apelyedo
Sa imong inosenting bangs,
Sa imong pagka-dili kaayo hiningog
Nga mora kag linaw kaayo nga sapa
Sa imong mubo nga shorts
Sa kolor sa imong pamanit
Nga morag lami nga white
Milk chocolate

Mora sab kog nauwat sa imong
Mga pagdayeg kanako:
Witty ko? Morag walking
Dictionary ang akong dating
Sa imoha? Ang akong
Pahiyom nga makahulog
Og panty? Baga akong bulsa
Og igwad ang akong sampot.
Kadaghan bas mga bakak
Og pag-ulog-ulog
Bahin kanato duha

Pero sagdi na lang
Malipayon ra man kaha ta.