ang dahon

ang dahon
usa lamang ka dahon
ang dahon usa lamang ka dahon nga naglutawlutaw sa usa ka sapa
nga hilom kaayo sama sa usa ka amang nga tubig sa suba
nga walay ngalan

ang dahon mamahimong labaw pa sa dahon nga naglutawlutaw sa sapa nga hilom kaayo
kon imong hikapon ang imong dughan sa imong palad
diin sa sulod niini gilaplap ang imong kasingkasing
sa usa kay hait kaayo nga punyal sa kasakit og kamingaw

ang dahon nga naglutawlutaw sa sapa nga hilom kaayo
dili na kana ang naandan nga dahon
dili lamang kana usa ka dahon kay kana mao na usab

ikaw
og
ako

mao kini ang atong pakiglambigit sa dahon nga naglutawlutaw sa hilom kaayo nga sapa
mao kini ang atong pakig-ambit sa mga amang nga dahon nga karon
mosugid kanato sa ilang gibati
kita ang mamati og kita ang moapil sa pakiglambigit sa pagsugid
sa usa ka sugilanon

dili ako ang dahon, moingon ka usahay
dili ako ang sapa, moingon usa ako

ang dahon og ikaw ang sapa ang pagpakahikom og ang imong gamay kaayo nga kalibotan sa dahon sa sapa sa tubig sa suba

og dayon wala nay motingog pa kanato. mahimong mangambot ako.