ang akong lim-aw natamnan na nako og daghan kaayong mga bulak naglamog na ang mga bulok
naa ang puti sa pagkaputli
pula sa paghigugma
lila sa pagpanglingla
itom sa kagutom
lunhaw sa kauhaw
amarillo sa pagkapilyo
abohon sa pagkamadudahon
asul sa paghinulsol
kahil sa mga pagtiltil
daghan na ang mga bato sa pagsalig
og ana ang mga koi saksi sa akong pagkakolokoy
mianhi ka dinhi sa akong lim-aw
abi lang nimo og puro pasiaw
dili ra baya pod binotbot og binuang ang tanan
kay naa pod sa tunga ang kawa nga gamhanan
No comments:
Post a Comment