ang paghikalimot nako sa bulan

gidapit ko ikaw
aron molantaw sa bulan
sa ilalom ta sa acacia
manukad sa atong
panaw

gihawiran ko ang imong
kamot
mihawid ka usab kay
gusto ka usab
molantaw sa bulan
nga modan-ag
sa gihay sa usa
ka pula nga
antulanga

ang imong taas
nga buhok nangagbay
sa akong abaga
og ang akong mga
tudlo mibalos sa
usa ka paghapuhap
sa imong hawak

nagpasilong tang duha
og nagtinan-away
sa atong mga mata
padulong sa usa
ka suod kaayo
nga panaw

pagkahuman niadtong
gabhiona
didto sa akong lawak
samtang ako naghandom
kanimo

nalimtan na nako
ang usa ka gihay sa
pula nga antulanga
nalimtan na nako
og unsa kaanindot
anang dan-ag
sa bulan