adunay tinood nga tawo
nga gahubo og milantaw sa baybayon
nagtalikod kanato
giputos sa panit ang iyang mga unod
og ang iyang mga unod
mitabon sa iyang mga bukog
miginhawa siya og lalom
nangagho og imong mahikap ang
iyang buhok og imong mabati ang kainit
sa iyang gininhawa
gigukod siya sa kinabuhi
nagpaabot siya sa kamatayon
ang mga balahibo sa iyang mga paa
imong mahapohap
buhi nga mga buhok nga kamaong
manglimbawot sa imong mga bakak
siya ang tinood. siya ang kinabuhi. siya ang tawo.
1 comment:
i would like to paint this image...basi i will use oil pastel or soft pastel crayons. i usually like nude women as subjects but this position is very interesting and unusual. do u mind sending me the bigger file ang original?
Post a Comment