ang akong barog

taas ang akong barog mora ko og bungtod nga taas pa sa mga kawayan.

dako ang akong mga abaga ang kalapdon sebo sa kalapdon sa mga sako sa kopra nga akong gilukdo sa akong ulo kaniadto

kon imong ipabatog ang kahayag sa akong lawas maaninaw mo ang akong mga bahandi
ang akong sampot nga morag mga tabonon nga buntod sa bohol sa panahon sa tinghulaw

ang akong mga bukton nga morag mga puthaw nga naghatag og tagbaw sa imong mga kamingaw

imo akong gipatalikod imo akong gisud-ong
sa dugay kaayong milabay nga
panahon

gusto unta ako nga moatubang kanimo og lantawon ang imong panagway
apan dili ka mosugot,
miingon ka basin unya dapit sa tungatunga sa kagabhion

gipauyonan ko ang imong gusto.
ikaw ang nagpakaon kanako og
ako ang barog sa usa ka ulipon

usa ka agila nga imong gihawla
og nagdumot nga sa umaabot nga ugma
ako makalupad padulong sa akong kagawasan.

ikaw ang akong karon. Ugma pa ang ako.