pug-a palihog lang

kon imo man lang gani akong hawiran
og dayon imo lang usab dayon akong biyaan
sa makadyot lamang
kon imo man lang gani akong hagkan
hikapon ang akong tiyan
og dayon imong talikdan
palihog lang inday
bisag sa makadyot lamang
sa atong panaghagwa og panagdulog
diin ako imong gihawiran
palihog lang
niining mubong kalipay
nga imong gihatag kanako
kon imo man lang gani akong hawiran
sa makadyot lamang
sa atong panagsalo sa kalipay
nga walay ngalan og apelyedo
palihog, pug-a lang, pug-a lang pag-ayo
kanang wala kay ipabilin kanako
nga usa ka pangagho o pagmahay
og nianang basa nga hinayhay
sa mga alambre sa akong bukog
nga gagahi kanunay
palihog lang inday,
disir ka mobiya, bisag dili na gani
ikaw manamilit kanako
sa usa ka init nga halok sa akong aping
pug-a pug-a lang gayod pag-ayo
kay diha sa imong pagpuga
nga medyo sakit-sakit na uyamot
basin og makalimot da unya ako kanimo.