lysistrata

dili nako mabasol si eva ensler

kon iyang gisulat ang vaginal monologues

dili nako matawag nga bastos

kon ang iyang mga bilat nagyamayama

bilat nga gi-rape, bilat nga gipakaulawan,

bilat nga gikulata sa bana

bilat nga walay panahon sa pagpanghugas

bilat nga nabaho human gipatay sa

daplin sa suba sa afghanistan

bilat nga gitakbas sa mga africans

bilat sa mga pinay nga gi-export sa japan

bilat nga gihimong maid sa singapore ug hongkong

bilat sa mga amerikana nga gamingaw

nabati ko ang mga reklamo sa bilat

sa lain-laing nasud nga gisuroy ni eva

nabasa ko ang mga agulo sa mga clitoris

dili ko kini siya matawag ug bastos

kay tinood man kining mga panghitaboa

dili ba nga si aristophanes man usab

ang nag-una-una paghisgot sa mga bilat

ni lysistrata aron lang unta mahunong

ang gubat didto sa sparta?

apan yuna pa, sumala usab sa maayong

pamatasan pamation sab unta niya

kon unsa usab ang ikasulti sa mga

oten nga naghilumhilum lamang

sulod sa ilang mga karsones.