ang duha ka labandera ni amorsolo

nahalungkat ra gyod nako finally ang duha

ka labandera ni amorsolo. medyo daan na. dugay na intawon

kining duha ka labandera nga nanglaba sa suba nga nagpunay

ug agas gikan pa sa pag-abot sa mga hapon sa pilipinas.

wala pay mga dugo kining mga subaa sa mga patay nga sundalo.

balikan ta. unsa kahay tsismis nga gisugid sa labandera # 1

ngadto kang labandera #2? tsismis kaha sa ilang mga bana?

dalaga pa man dagway ning duha, kay morag bus-ok pa man

ang ilang mga dughan.

Tan-awa kanang usa nga nagtalidhay, naghawid sa iyang buhok nga basa,

morag dunay gipugngan. Morag OA nga nagpose. nag-emote.

wa baya kana siyay bulingon nga gilabhan. Dunay kolon sa iyang kilid.

unsa may purpose anang kolon diha? balonan sa bahaw ug inon-onan?

ang tapad, sure ko, mga kawayan, klaro ang mga dahon nga morag

dahon sa kawayan. gamay nga sapa. duha ka babaye.

ang pintor nga si amorsolo, nagpahipi sa kilid sa bato. nagsigig pintora?

o didto lang siya sa aircon niya nga studio, nag-imagine ug sapa,

kawayanan, ug duha ka niwang nga babaye nga mga walay lawas,

nga walay ngalan, nga walay nawong, kay usab sila dili mga tinood.

saon na lang. ugma moadto na usab ako sa sapa. tan-awon ko kon unsa

ka tinood nga dunay mga dalaga nga modawat pa sa akong labada.

aduna pa kahay sapa karon? ug duna, limpyo pa kaha? tan-awon ko lang.