ang akong mga dagway

usa ra man unta ang akong ngalan
pero daghan ug angga
ang nahatag ni nanay ug tatay

"bunot" "nonoy"
"ontoy" "budoy"
"tapuwan"
"sipat"

usa ra man unta ang akong nawong
apan daghan diay ang akong mga dagway

sa kasuko sa kalipay
sa tagotago sa kitakita

lahi ang kang inday
lahi ang kang ondoy
lahi ang kang tatay
lahi ang kang nanay

lahi ang tinood lahi ang bakak
lahi ang kaniadto lahi ang karon

daghan ang akong dagway
depende sa imong pagsulay