kon hisgutan na gani ang mga sunflowers ni vincent
mahinumduman ko dayon ang pagputol niya sa usa niya
ka dunggan, ang pagpinta niya sa iyang nawong nga
gikoloran ug dakong kamingaw ug kasubo nga
miabot sa punto sa paghikog. kon ako kini siging
hunahunaon sa kadaghan sa akong nabasa bation
akog kalooy ug kamingaw. Motulo ang akong luha
labi na ug duyagan sa kanta nga starry starry night
samtang ako nag-inusara sa among balkon sa kagabhion
lantaw sa takdol sa bulan nga gidayadayanan sa mga
pampararam nga mga bitoon. Usahay kon daghan na
kaayo ka ug nahibaw-an sa kinabuhi sa uban dili mo
na madayeg ang iyang binuhatan. Sama nining, balikan
ta, kabahin sa mga Cut Sunflowers ni vincent van gogh,
ako una siyang kalimtan, akong tutukan pag-ayo ang mga
giway sa pintura sa mga nawong sa giputol nga sunflowers.
Lahi kini sa tinood nga kinabuhi. Dakong buhi ang mga makita diha
sa mga mata sa mga gipinta nga sunflowers. Mga adlaw. Ang Kahayag.
Wala ang kangitngit. Wala ang mga dag-om sa langit.
Wala gani ang mga ulan ug kilat. Kon naa man ang Kahilom
Apan dili gayod nako makita ang paghikog. Naa ang tapot nga kinabuhi.
No comments:
Post a Comment