Monday, September 22, 2008

Ang pagyukbo sa kamatuoran




Siya boutan

Siya dili mamakak

Siya ang akong kanunay

Nga kuyog

Bisad pa usahay ug

Sakit siyang manulti

Ako siyang gidawat

Sa akong dughan

Siya ang akong

Sabakan

Siya ambongan

Siya dili tapulan

Siya dili kamaong

Magkulang

Sige siyang sakto

Siya dili taslakan

Siya naghatag kanako

Ug daghang katigayonan

Siya naghanyag kanako

Ug dakong kalipay

Siya di jud kamaong

Magtomotomo

Siya akong gipangga

Siya akong pinangga

Siya akong pirming

Gituohan

Siya akong giyukboan

Siya ang kamatooran

Siya ang akong gisaligan

Siya miabot na usab

Siya ang magdala kanako

Ug iya akong kuyugon

Siya ang kamatooran

Ug siya nagsulti kanako

Sa akong kamatayon

Ug siya misaad sa akong

Kagawasan

Mokuyog ako kaniya karon

Sa kalipay sa walay kabalaka

Siya ang kamatooran

Siya dili masayop

Siya ang akong kalipay

Siya ang akong dalangpan

Siya ang akong diyos

Siya ang akong kinabuhi

Siya ang akong kamatayon

Siya ang akong pagkabanhaw

Siya ang akong tanan

Siya ang akong diyos nga makagagahum

Siya lang gihapon ang karon

Ang akong kagahapon ang akong ugma

Ang akong kahangturan

No comments: